蔡天凤疑遭杀害碎尸案，周五（13 日）踏入第 37 日审讯。邝港杰早前指证胞弟杀蔡天凤，今日他继续作供，称于蔡遇害后，父亲邝球要求他在厕所清洗器具，包括有血迹的刀具。父亲则于房间及厨房之间来回走动，并传出切割声音。邝港杰供称，「我记得我喺厕所入边一路洗⋯⋯我听到切割声嘅时候一路喊」。
Day36｜邝港杰：清洁车厢弃蔡手机 因「冇谂过、唔识处理」故没报警
报道涵盖庭上描述的案件过程细节，或会引起不安。
订阅／赞助／购物，支持《法庭线》报道香港，记录香港。
11:20 邝港杰：丢垃圾时留意到有汤渣
无怀疑猪骨是其他物品
Beel 续问及 2 月 23 日的情况，邝指当天早上他续接载蔡的长子上学。随后父亲再致电他，「佢话又想车我去大埔嘅村屋帮佢手」。邝形容当时「我好攰，我几日冇瞓过觉、揸唔到车，然后爸爸去咗加多利山门口接我，然后佢又揸咗去大埔」。
邝续指，当天早上接到警方来电，称警方已约母亲中午到加多利山会所见面，亦相约邝会面。邝指当天他在单位时，「我就冇入去厕所度清洁嘅，个时我喺客厅，我记得⋯⋯仲有啲 Abby 嘅 card、身份证、银行卡之类喺地下，跟住爸爸就叫我剪烂晒佢喇，然后摆喺烧衣纸个铁罐度，仲有叫我将我身上嘅八达通都剪埋佢」。邝指当时没有过问为何要剪卡，「我当时冇去思考呢啲了，佢叫我剪就剪，我当时个精神好差」，「剪完嘢就⋯⋯已经经过咗两日了，我个人都呆吓呆吓」。
Beel 再问，邝早前曾於单位见到青红萝卜，当天又有否再看到青红萝卜？邝表示有，「有喺𠮶个厨房门口，有啲黑色胶袋我记得，我有帮手打个结，包好个垃圾袋咁」，并在离开单位时，把垃圾掉在村口垃圾筒。邝补充，他于事发当天，随后两天，每天均有掉垃圾。邝忆述，他记得于 21 号当晚掉垃圾时，「我净系留意到有啲汤渣咁嘅嘢，青红萝卜，有啲类似猪骨咁嘅嘢，我形容为𠮶啲汤渣」。Beel 追问，当时邝有否怀疑猪骨是其他物品？邝指「当刻我冇谂，因为的而且确你买青红萝卜都会买埋猪骨」。邝又提到，他同时亦有掉一些用作清洁的抹布，「染咗血嘅手套，有啲湿纸巾同埋干纸巾」。
11:10 邝港杰：厨房有两个煲
现场有青红萝卜
邝指完成拜祭后，当时已到下午，他到深水埗取车后，到加多利山接母亲，再到大埔的学校接蔡的长女 X 放学。邝忆述，随后父亲再到荃湾接他到龙尾村，「我意识到佢系想我帮一帮佢」。
当晚邝于 9 时到达龙尾村，邝形容「其实𠮶个时间，同我早一晚相差无几，我又系入咗个厕所入边，又系见到啲刀，我又系一样咁喺度抹吖，漫无目的咁抹，留喺个厕所入边」。他继续抹刀具，他自从贴帆布后，亦没有再进入大房内，「我从来冇亲眼目击过任何 Abby 嘅尸首同残肢嘅嘢」。
邝又提到，他曾在厨房门外，「我见到有两个煲，煲紧嘢」、「喺个炉上边」，两个煲上亦有盖。Beel 追问，当时邝有否留意煲内的物品，邝指「我冇去 find out 呢样嘢」。Beel 引述照片指，现场有青红萝卜。邝指他有看到青红萝卜，部分已被切开，放在锌盘隔篱，但邝本人并无购买青红萝卜。
Beel 续指，邝当晚于 11 时 40 分离开单位。邝指他逗留在单位时，父亲「都系喺厨房同睡房之间来回，都系有听到切割嘅声音」，但他没有听到电锯的声音，二人亦没有对话。
至于胞弟的去向，邝指当时并不知道胞弟身在何处，又形容「𠮶时个状态我自己都理唔到，理唔到其他人，唔得闲谂佢，我冇时间去关心呢啲嘢」。邝又在提问下确认，警方曾于 2 月 22 日联络他，指当时警方先联系母亲，母亲再把电话交给邝，以警方所知，「我系最后一个见到 Abby 嘅人嚟嘅」，警方当时查问蔡的下车位置及衣着。邝则回应蔡在大埔超级城下车。
10:25 邝港杰：翌日与父烧衣纸拜祭
邝续指，他于早上约 6 时离开单位，「我记得𠮶晚好漫长，去到大概 6 点嘅时候，因为𠮶日平日嚟嘅，我仲要去荃湾攞返架 AA3383，去加多利山车哥哥返学，跟住我就叫爸爸车返我返荃湾，我要攞返架车返工喇，我要车哥哥返学」。邝随后便驾车接载蔡的长子 W 从加多利山出发上学，母亲李瑞香亦有同行。
邝指当天早上没有在加多利山见到胞弟邝港智，亦不知道胞弟的去向。邝忆述，前一晚身在龙尾村单位时，他亦曾与胞弟通电话。此外，当晚蔡的丈夫谭方骏又曾致电他，询问蔡的去向。邝指「我记得我同 Chris（谭方骏）讲，晏昼放低咗 Abby 喺大埔，然后就唔知佢下落喇，唔知佢去咗边」。
邝续指，随后蔡母张燕花亦于晚上 11 时左右致电予邝，「我都系照旧（讲）同 Chris 讲同一番说话，晏昼喺大埔放低咗佢，就唔知佢去咗边」。
Beel 指，蔡母张燕花作供时，曾指邝港杰曾声称蔡与朋友喝酒。邝指他「完全冇讲过呢个内容」，「因为我都几了解 Abby 㗎，佢完全唔会去饮酒饮嘢」。邝指约半小时后，张再致电予他，邝形容「我𠮶时好想逃避呢件事」，遂告知张「我要瞓觉喇，听日仲要返工呀，我要瞓觉喇，我要收线，听日再讲啦」。
及至 2 月 22 日早上，邝送蔡的长子 W 上学后，便接母亲回加多利山。邝忆述当时为早上，「𠮶时我仲系好不安，对于架车，所以我就即刻⋯⋯尝试电话联络平时每个月都会去洗车嘅铺头。喺深水埗，问朝头早有冇时间，帮我做一个洗车嘅服务，咁我揸咗架车去深水埗」。
邝续指，当他打算洗车时，父亲亦致电给他，询问他的去向，「我就同佢讲我揸咗架车去洗吖，佢话佢嚟揾一揾我」。及后父亲驾车到深水埗，邝上车后看见「有几大袋拜祭嘅衣纸，几大袋，好大包𠮶啲，跟住爸爸就话我哋去拜祭一下⋯⋯爸爸揸咗去将军澳坟场度拜祭」。邝指当时有烧衣纸，「通常如果有啲先人，或者人死咗，就会烧呢啲衣纸去拜祭」。Beel 追问，当时邝在拜祭谁？邝指当时「我哋冇咁样直接讲到」，但认为是蔡。Beel 追问，当时拜祭蔡，是否向蔡表达敬意（pay respect)？邝稍作停顿后指「呃，系呀，烧畀佢啰、烧衣纸」。邝补充，「呢个我相信系个传统嚟嘅，中国人有人过咗身就拜祭，去凭吊」。
10:00 邝港杰：于厕所清洗染血刀具
父来回走动传切割声音
邝港杰续出庭作供，由辩方大状 Trevor Beel 进行主问。他周四作供时讲及 2023 年 2 月 21 日蔡遇害后的情况，他提到当晚父亲邝球着他到龙尾村单位，当时应父亲要求把帆布贴好。邝周五续指，及后父亲留在房内、「掩埋道门」，邝指无法看到父亲在房内的行为，亦没有听到声音。
邝随后到厕所，看到企缸内有一个胶箱，箱内有「两把刀具，然后有啲水浸住」，现场亦有电锯等，而且亦挂有雨褛、雨靴。邝续指，父亲步出房间，着邝协助清洗器具，「同埋清洁吓企缸𠮶个 area」。邝指，当时看到「有少少类似血迹嘅系企缸𠮶地下度，个刀上面都有少少血迹」。
Beel 续指，邝与父亲于翌日早上 6 时离开单位，着邝讲述当晚在单位内的情况。邝供称，父亲着他清洁时，又提醒邝要穿上雨褛、雨靴，「佢叫我戴埋啲手套」。当晚「我就留喺个厕所入边，用水洗𠮶个地方，我⋯⋯我唔敢出嚟呀，我留喺个厕所入边，我记得我冇闩门嘅，一路咁样时间过去喇，因为我冇闩门，途中我见到爸爸，喺房同厨房之间来回走动。」邝续指，当时看到父亲手持水桶走动，「系呢段期间，我有听到一啲切割嘅声音⋯⋯有喺房又有，厨房都有，但唔系用电锯嘅声音，系普通用刀嘅声音」。但邝指他没有看到父亲的行为，因为「我成晚留咗喺厕所入边，我都唔敢出嚟」，「我记得我喺厕所入边一路洗⋯⋯我听到切割声嘅时候一路喊」。而他开始清洁厕所后，「爸爸成晚我都冇同佢讲过嘢」。
3 人被控谋杀、阻止合法埋葬
被告依次为邝港杰（31 岁，司机）、邝球（65 岁，退休人士）及邝港智（28 岁，无业）。邝港杰由大状 Trevor Beel、刘奕勤、李宣仪代表；邝球由大状戴伟奥（Oliver Davies）及罗天祺代表；邝港智由大状安华晖（Andrew J. Raffell）、刘皑淇及邓乐齐代表。
控方由外聘资深大状郭莎乐（Charlotte Draycott）、高级助理刑事检控专员梁育珩、高级检控官林晓敏、吴希乐与检控官尹培轩代表。案件由暂委法官祁彦辉（Brian Keith）审理。
3 人承认阻止合法埋葬尸体罪，否认谋杀罪。阻止合法埋葬尸体指，3 人于 2 月 21 日至 23 日期间，在香港阻止蔡天凤的尸体被合法埋葬；谋杀罪指，3 人在 2023 年 2 月 21 日，在大埔龙尾村 56B 地下谋杀蔡天凤。
HCCC198/2025