蔡天凤疑遭杀害碎尸案，周四（12 日）第 36 日审讯，邝港杰供述弟杀蔡后的行程（见内文图）。他称按父指示搬载着蔡的胶箱入村屋，父叫他与弟尽快离开，他没问弟去向，而自己「漫无目的」出市区，在大埔超级城弃置蔡的手机。他晚上与父再会合，回村屋见渗血物体料蔡遭肢解。
辩方多次问为何没报警，邝指事发时车内「两个都系屋企人，我当时𠮶刻冇谂过呢个方向」，而将蔡搬到村屋后都没报警，因「当时唔识点样处理」，其后他清洁车厢；他称，曾问父亲有否报警。他又说，直至警察告知寻获蔡的残肢，「（对蔡死亡的感觉）𠮶一刻先涌出嚟」，他之后在警署哭泣。
Day35｜邝港杰指证胞弟杀蔡 称蔡车上骂弟其后没反应 胞弟崩溃大哭
订阅／赞助／购物，支持《法庭线》报道香港，记录香港。
杰：回想当时
应报警或叫救护车
首被告邝港杰昨指证胞弟邝港智杀害蔡天凤，并供述事发时车上情况，提到胞弟大哭、无法沟通，而他致电父亲邝球后，父亲着他到大尾笃停车场会合。
他周四第四日作供，于辩方大状 Trevor Beel 主问下供称，他驾车往大尾笃时，想到尚未有人接蔡的长女放学，遂数次致电母亲李瑞香，但对方没有接听电话。
Beel 追问，现时回看，他当时应该致电予谁？邝港杰停顿数秒，说：「我至少应该⋯⋯报警或者 call 白车。」Beel 再问，为何他当时没有这样做？邝再停顿数秒，称「因为车后边𠮶个，两个都系屋企人，我当时𠮶刻冇谂过呢个方向」。
Beel 又问，现时回看，你如何看当时的决定？邝港杰停顿约 10 秒后回应「我认为应该⋯⋯勇敢啲、同埋理智啲⋯⋯如果𠮶时理智啲，𠮶脑冇咁空白，件事可能冇咁恶劣」。
杰：父上车尝试触碰蔡
邝港杰续指，当他驾驶 AA3383 七人车到达大尾笃停车场时，把车泊在父亲邝球的 VY9157 七人车旁边，而父亲走上 AA3383。而胞弟邝港智则继续坐在车厢的地上、「发紧吽哣咁样」。
邝港杰指，他在司机位往后望时，看见「Abby 瞓咗喺度，但我睇唔到佢面容，因为披头散发」，又指父亲尝试触碰蔡，「尝试睇吓有冇心跳之类嘅动作」。而他持续致电母亲，「冇再敢望向后边」、当时「好心急」，「因为𠮶时妹妹已经放咗学一阵，但系仲未有人去接佢」。父亲则着他先到龙尾村村屋，故他们驾驶两车到龙尾村。
杰：按父指示搬胶箱
蔡没反应料已死亡
辩方庭上播放 CCTV 片段，显示邝球驾驶的 VY9157 及邝港杰驾驶的 AA3383 到达村屋外空地。邝港杰供称，下车后应父亲指示把 VY9157 内的胶箱放在村屋门外地下，他形容当时「发生咗好多事，当刻我只系倚赖住爸爸⋯⋯佢做啲乜，我就跟住去做」，形容想法「一片空白咁样、当机咁样、hang 机咁样」。
他又指，当时父亲没有直接告知他如何使用胶箱，「但我𠮶刻嘅意识，我猜测到⋯⋯我估系可能想将 Abby 摆喺𠮶箱度，搬咗入屋⋯⋯先搞后续嘅嘢，离开咗架车先」。
邝形容，当时胞弟「已经冇头先咁崩溃⋯⋯但系个人都好呆滞咁嘅」。随后父亲着邝港杰把胶箱放入 AA3383 内。
至于蔡天凤的情况，邝港杰称，「我见到有个物体，Abby 瞓喺度喇，但我啲视角唔系好见到佢啲面。」又提到在约半小时的时间，「我目击唔到，亦都察觉唔到任何反应。即系你在生、会呼吸会盛吖嘛。佢（蔡）冇反应，所以我当刻，我会自己去谂，可能佢已经过咗身、死咗。」
杰：父将蔡放胶箱
弟开车门 料为遮视线
片段显示，邝港杰及后走入 AA3383 车内的乘客位。他庭上忆述，「我记得佢（父）诶⋯⋯已经从后座攞紧一个平时畀小朋友冚住瞓觉嘅薄被铺，尝试包裹紧 Abby。」
CCTV 片段显示，他曾与胞弟对话。他庭上形容，「其实当时个人系好腾鸡嘅，我尝试喺度同佢扮倾偈，其实有啲语无伦次嘅」。他续指，及后父亲着他打开车厢趟门，「见到用被铺包住嘅物体，我觉得系 Abby 嚟嘅」。而胞弟随后打开 AA3383 司机位的车门，邝称「我谂系遮住个视线啩」。
邝港杰续指，及后「我睇到爸爸将个被铺、即系 Abby 瀡咗落胶箱入边」，父随后指示他搬起胶箱走入屋内。他在屋内问父亲：「而家究竟点做，你会唔会报警或者 call 白车之类？」又指父亲「谂咗一谂，只系叫我同细佬尽快离开，佢会尽快处理㗎喇」。
Trevor Beel 追问，当时邝港杰为何没有报警？
他形容「我当时唔识点样处理」，及后他见车内「有啲狼狈、即系有啲乱」，「我认为鉴于啱啱𠮶 45 分钟入边发生嘅所有嘢，应该清理咗成个车厢，起码中排（座位）先，因为仲有啲杂物喺度」，包括蔡的衣物、袋。
他亦提到胞弟随后换衫，「佢（智）喊到成身湿晒咁滞喇，佢觉得污糟」，但他没有看到胞弟的衣服上有血迹。
邝港杰及后成功与母亲通电话，她当时与朋友打麻雀，他着母「即刻搭的士去凑妹妹放学」，告知母亲「唔好问咁多，总之而家即刻去接妹妹喇」。
杰：我觉得要抹到好干净
好似冇发生过任何事咁样
从 CCTV 片段可见，邝港智离开事发车厢时，拿着白色及红色胶袋。邝港杰指，白色袋为胞弟的衣物，而当时邝港杰用湿纸巾清洁车厢，红色袋内有用过的湿纸巾。
邝港杰庭上称，他当时认为「要抹到好干净，好似冇发生过任何事咁样」，而车内「其实冇啲可视、可见到嘅污糟或者咩嘢，其实我系成个车厢喺度抹」。
至于法医作供时提及，蔡天凤所受的伤会令她内、外出血。邝港杰形容，当时车内「我冇见到有啲咩特别好似法医讲嘅，好多血咁样⋯⋯但系我见到喺个中控台手枕后边，有好少嘅血痕⋯⋯所以我亦都有抹埋⋯⋯我唔知血定污迹嚟嘅」，而他没有在车内发现武器。
邝港杰及后从车厢取出地垫，因为「我想成个车厢中间，好似冇发生过嘢咁样，清空咗佢先，我觉得咁样安全啲」，即有「安全感」，「始终啱啱 45 分钟我知道发生咗事情」。他将地垫放入村屋内，父亲「企喺个客厅度谂紧嘢，我形容佢系谂紧嘢啰，load 紧」。
片段又显示，邝港智其后离开现场。邝港杰指当时不知道胞弟的去向，但对方离开时曾「好轻轻咁讲话，『我走喇』」。
杰：警说发现蔡残骸
感觉「𠮶一刻先涌出嚟」
CCTV 片段显示，邝港杰其后走上 AA3383、停留约 6 分钟才驾车离开。他在庭上指，当时应在回想「点解会搞成咁？点解会发生事情？」
Trevor Beel 询问当时邝港杰对胞弟、蔡的感受。邝称对胞弟行为感不解，「𠮶段时间佢有啲陌生，因为我未见过佢咁嘅状态」。
至于对蔡天凤的感受，邝沉默数秒后指，「我记得𠮶刻，我冇谂到呢个 point 嘅，好复杂吖，𠮶刻冇谂到咁仔细」。Beel 追问，当时他为何没有想到蔡。邝回应，「应该咁讲，我唔系冇谂到佢，我𠮶刻太多嘢同一时间发生」。
Beel 再问邝对于蔡已死一事有何感受？邝回应，「我呢个感觉系直到⋯⋯直到我喺差馆⋯⋯警察同我讲，喺村屋入边揾到佢（蔡）嘅残肢，𠮶一刻先涌出嚟嘅⋯⋯我记得𠮶时我就开始喊出嚟。」Beel 追问，当时是蔡遇害后，邝首次哭？邝指，「喊成咁样系，我记得喺差馆，就净系识得喊，警察问我𠮶啲嘢，我都冇答佢」。
邝又指，「我好记得喺 QE 验伤返去差馆，得知警察揾到 Abby 嘅残肢，咁由𠮶时开始（喊）啰」，当时他已被捕。但当时「我唔系谂自己被人拉，而系𠮶刻之前，我形容为仲呃紧自己件事冇发生过，直至警察同我讲，喺村屋揾到尸体。理智先同我讲，系真正发生咗呢件事」。
杰：大埔超级城弃置蔡手机
Trevor Beel 指，邝港杰离开龙尾村屋后，到了大埔超级城。
他庭上忆述，「我当刻系想离开𠮶个 area 先，我就一路驶返去市区。我想逃离𠮶个 area，我唔想再喺𠮶度，所以我漫无目的咁去返市区先。然后我知道𠮶度附近有个商场喇，我想去个洗手间冷静吓，所以就去咗𠮶度」。
他续称，在商场泊车后检查车厢，发现蔡的手机，「我惊吖嘛，就熄咗个电话，我本身谂住去厕所洗面冷静，就顺手抌埋个电话去垃圾桶度」。邝随后致电胞弟问其位置，先到尖沙咀接载弟，再往铜锣湾与母亲李瑞香及蔡的长女 X 会合，一行人返回加多利山单位。
邝称入屋后，蔡的丈夫谭方骏在梳化睡觉，他没与谭对话，亦没有向母亲提及蔡的情况。他指，母亲有问为何临时要她接 X 放学，而他回应「Abby 唔得闲，约咗人呀」。
杰：夜晚返龙尾单位
见被铺渗血料蔡遭肢解
邝港杰指，晚上 7 时 35 分离开加多利山单位，打算回家时接到父亲来电，着他到大埔一间茶餐厅会合；邝遂乘的士前往，他指，有点菜但最终没有吃饭，因为「冇胃口」。
据承认事实，CCTV 片段显示两人 10 时许返回龙尾村单位。邝港杰供称，入屋后「我就问爸爸：『诶⋯⋯谂住点样样、点处理呢件事？有冇报警？」。父没有回应，并打开大房的门，而他看见地下有帆布，有帐篷、胶箱。
邝港杰忆述，「个箱系透明㗎嘛。我见到、我见到有个被铺包住嘅物体，其中一段有啲血渗出嚟」，另亦看见电锯，形容电锯「刀片上面有少少血」。
他表示，当时太过惊讶，没有就此事询问父亲邝球，「我认为 Abby 个尸体有某部分，应该被肢解咗，因为我见到个被铺嘅一端有血吖嘛」，形容「张被系渗咗好多血㗎」，当时「我𠮶刻冇做任何嘢」。
Trevor Beel 展示龙尾单位内，铺有蓝白间帆布的照片。
邝港杰表示，是他把帆布贴在墙上，当时是跟从父亲吩咐，「我喺门口见到呢个情况，爸爸拖咗个胶箱出厅，𠮶时嘅帆布系好 roughly 咁样铺嘅，然后爸爸叫我铺好啲、用胶纸痴好佢，然后我就痴咗」。
邝港杰形容当时，「冇思考咁多、思考唔到咁多嘢，我见到𠮶个画面，我已经、我已经好震撼，blank out 咗咁样」。案件周五续审。
HCCC198/2025